Gürcüstanın Baş naziri İrakli Kobaxidzenin Ermənistan Respublikasına rəsmi səfəri başlayıb.

Hökumət Administrasiyasının mətbuat xidmətinin məlumatına görə,  Ermənistan Respublikasının vitse baş naziri Tiqran Xaçatryan, Yerevanın meri Tiqran Aviniyan və digər rəsmi şəxslər Yerevanın Zvartnots beynəlxalq hava limanında Gürcüstan hökumətinin başçısını qarşılayıblar.

Ermənistan Respublikasının hökumət iqamətgahında Gürcüstanın Baş nazirinin rəsmi qarşılanma mərasimi keçirilib. İrakli Kobaxidzeni Ermənistan Respublikasının Baş naziri Nikol Paşinyan qəbul edib.

Təkbətək və geniş tərkibdə görüşlər planlaşdırılır, bundan sonra da baş nazirlər media qarşısında birgə bəyanatlarla çıxış edəcəklər.