Məzunlar üçün staj proqramı bu il başladılacaq bir növ pilot proqramı olacaq – Gürcüstanın Baş naziri İrakli Kobaxidze məzunlar üçün staj proqramı ilə bağlı dövlət universitetlərinin tələbələri ilə görüşündə bu sözləri deyib.

Hökumət başçısının qeyd etdiyi kimi, əsas məqsəd odur ki, məzunlar əvvəldən, əngəllər olmadan peşəkar həyata cəlb olunmaq üçün ən yaxşı imkana malik olsunlar.

“Bu, bu il başladılacaq bir növ pilot proqramı olacaq. Proqram işə salındıqda müəyyən problemlər üzə çıxa bilər, lakin gələn ilə qədər proqramı daha da təkmilləşdirmək və ona olması gərəkən formanı vermək imkanımız olacaq. Əsas məqsəd odur ki, məzunlar əvvəldən, əngəllər olmadan peşəkar həyata cəlb olunmaq üçün ən yaxşı imkana malik olsunlar. Müxtəlif növ problemlər var, onlardan biri də gənclərin bizimlə adətən danışdıqları bir məsələdir, məsələn siz universiteti yeni bitirmisiniz, CV açmamısınız, hələ iş təcrübəniz yoxdur və bu zaman siz dövlət qurumlarına gedirsiniz, orada müsabiqə elan olunanda əvvəldən iş təcrübəsi istəyirlər. Bu iş proqramının bizə verəcəyi əsas şeylərdən biri odur ki, siz əvvəldən təcrübə əldə edəcəksiniz və bundan əlavə, sizə peşəkar karyeranızı daha da inkişaf etdirmək imkanı verəcək unikal təcrübə qazanacaqsınız” – baş nazir qeyd edib.