Gürcüstan parlamentinin sədri İrakli Kobaxidze bəyan edir ki, seçki islahatları ilə bağlı işgüzar proses ATƏT-in tövsiyyələrinə əsaslanır və hər bir prinsipli məsələ ilə bağlı bütün mövqelər nəzərə alınacaq.

Kobaxidzenin dediyinə görə, bugün seçki islahatı ilə bağlı ilk və əhəmiyyətli görüş keçirildi.

“Çətin, ancaq maraqlı prosesə başlayırıq, ATƏT seçki qanunvericiliyi ilə bağlı öz tövsiyyələrini təqdim etdi. Subyektiv maraqların çox olmasına rəğmən, düşünürəm ki, bütün siyasi mövqelər nəzərə alınacaq və razılığa nail olunacaq. Mübahisəli məsələlərdən biri partiyaların maliyyələşdirilməsidir. Seçki mühiti üçün faydalı olan hər bir tövsiyyəyi müzakirə edəcəyik və daha sonra müvafiq qanunlayihəyi hazırlayacağıq” – dedi İrakli Kobaxidze.