Səhiyyə naziri ilə ünsiyyət baxımından tibb ictimaiyyətində narazılıq var idi, mən buna Respublika Xəstəxanasının nümunəsində əmin oldum – bu haqda Gürcüstanın Baş naziri İrakli Kobaxidze açıqlayıb.

Kobaxidzenin jurnalistlərə açıqladığı üzrə, o, bu gün səhər Zurab Azaraşvili ilə görüşüb.

“İdarəetmə və ünsiyyət baxımından problemlər gördüm. Bununla bağlı tibb ictimaiyyətində narazılıq var idi. Mən özüm Respublika Xəstəxanasının nümunəsində əmin oldum ki, həqiqətən də belə problemlər var. Bütün bunlarla bağlı tamamilə şəffaf söhbətimiz oldu və bunun əsasında səhiyyə nazirinin vəzifəsindən getməsi ilə bağlı qərar verildi”- İrakli Kobaxidze açıqlayıb.

Gürcüstanın işğal olunmuş ərazilərindən olan məcburi köçkünlər, əmək, səhiyyə və sosial müdafiə naziri Zurab Azaraşvili istefa verib.