“Gürcü Arzusu” partiyasının sədri İrakli Kobaxidzenin sözlərinə görə, radikal müxalifət Mixail Saakaşvilinin görüntülərinin Qldanidəki 12-ci cəzaçəkmə müəssisəsindən 18-ci tibb müəssisəsinə köçürülməsini və bu görüntülərin ictimaiyyətə açıqlanmasını tələb edib.

İrakli Kobaxidze prezidentin dünənki bəyanatına cavab verib, Salome Zurabişvilinin qeyd etdiyi kimi, “Mixeil Saakaşvilinin kadrlarının yayılması ləyaqət və şərəfin pozulmasıdır və bu, qəti şəkildə qəbuledilməzdir”.

“Radikal müxalifət və onun öz KİV-ləri görüntülərin yayılmasını tələb ediblər. Camaatı çaşdırmamaq üçün görüntülər ictimailəşdirilib. Təbii ki, hər kəs bu kadrların gözəl mənzərə olmayacağını əvvəlcədən bilirdi. Milli Hərəkat və onun mediası da daxil olmaqla, bunu bilirdi, amma yenə də tələb edirdilər. Nəhayət, ictimaiyyət görmək heç də xoş olmayan kadrlar gördü, baxmayaraq ki, biz Saakaşvilini dəfələrlə belə vəziyyətdə görmüşük – o cümlədən Qoridə, o, baş komandan təyin olunanda, Ukraynada, ukraynalı hüquqmühafizəiçilər onu saçından sürüyəndə də gördük. Bu Saakaşvilinin üzüdür. Saakaşvilinin göstərdiyi davranışı görmək xoş deyildi. Mixeil Saakaşvili bu ölkənin anti-simvolu, insanlara işgəncə verən antisifətdir və biz bunu bu gün də görmüşük”, – İrakli Kobaxidze bildirib.