Salome Zurabişvili Saakaşvilinin mənəviyyatsızlığına şərik olmaq istəyirsə, o zaman əfv qərarı çıxara bilər – bu barədə “Gürcü Arzusu”nun sədri İrakli Kobaxidze açıqlayıb.

Kobaxidze bir çox atanın Mixeil Saakaşviliyə görə övladına qayıda bilmədiyini söyləyib.

“Saakaşvili sayəsində bir çox ata övladına qayıda bilmədi, bunu Mixeil Saakaşviliyə xatırlatmaq istəyirəm. Mixeil Saakaşvilidən bəhs edərkən hansı mənəviyyatdan danışırıq? Salome Zurabişviliyə gəlincə, əgər o, Saakaşvilinin mənəviyyatsızlığına şərik olmaq istəyirsə, əfv qərarı çıxara bilər. Mən bunun dərinliyinə gedə bilmərəm”-deyə Kobaxidze açıqlayıb.

Mixeil Saakaşvili deyib: “Salome Zurabişvilini təbrik etmək istəyirəm, o, oliqarxiya ilə bağlı düzgün vurğular etdi, o, bir imza ilə atanı uşaqlarına qaytara, siyasi tarazlığı bərpa edə bilər”.