İrakli Kobaxidze rəsmi səfərlə Qırğızıstana yola düşüb

İrakli Kobaxidze rəsmi səfərlə Kyrgyzstan Respublikasına gedəcək.

Gürcüstan Hökuməti Administrasiyasının mətbuat xidmətinin məlumatına görə, Qırğızıstan Respublikası Prezident Sarayında Gürcüstanın baş nazirinin qarşılanma mərasimi keçiriləcək. İrakli Kobaxidzeni Sadyr Japarov qəbul edəcək.

“İki ölkənin hökumət üzvlərinin iştirakı ilə liderlərin görüşü planlaşdırılır. Görüşdən sonra sənədlərin imzalanması mərasimi keçiriləcək. Gürcüstanın baş naziri və Qırğızıstan Respublikasının prezidenti media üçün birgə bəyanatlarla çıxış edəcəklər”, – deyə Gürcüstan Hökuməti Administrasiyasının mətbuat xidmətinin məlumatında bildirilir.

Gürcüstan hökumətinin başçısı Bişkekə nümayəndə heyəti ilə yola düşüb. Nümayəndə heyətinə baş nazirin müavini, xarici işlər naziri Maka Boçorişvili, iqtisadiyyat və davamlı inkişaf naziri Mariam Kvrivişvili, ətraf mühitin mühafizəsi və kənd təsərrüfatı naziri Davit Sonğulaşvili və Hökumət Administrasiyasının rəhbəri Levan Jorjoliani daxildir.