“Gürcü Arzusu” partiyasının sədri İrakli Kobaxidzenin sözlərinə görə, “Gürcü Arzusu” üç gün əvvəl Avropa Komissiyasının müəyyən etdiyi 12 bəndin icrası ilə bağlı ətraflı planı ictimaiyyətə təqdim edib, lakin təəssüf ki, radikal müxalifət və onunla əlaqəli qeyri-hökumət təşkilatları buna destruktiv hərəkətlərlə cavab veriblər.

Lakin, Kobaxidzenin açıqlamasına görə, “Gürcü Arzusu” üçün onların hərəkətləri heç bir halda plandan dönmək üçün səbəb ola bilməz.

“Ölkənin maraqlarından irəli gələrək, Gürcüstanın artıq rəsmi olaraq tanınmış Avropa perspektivini gücləndirmək üçün “Gürcü Arzusu” hər bir bəndi diqqətlə yerinə yetirəcək, bunun üçün lazımi formatda və lazımi vaxt çərçivəsində bütün lazımi addımlar atılacaq. Gürcüstan əhalisinin 85 faizinin iradəsinin reallaşmasında, Gürcüstanın Avropa İttifaqına inteqrasiyasında və ölkəmizin namizəd statusunu almasında faktiki maraqlı olanlar təbii ki, bu planın həyata keçirilməsində fəal iştirak edəcəklər” – deyə İrakli Kobaxidze qeyd edib.