Bizim təklif etdiyimiz vaxt çərçivəsində hər bir bəndin icrası təmin olunacaq -bu barədə “Gürcü Arzusu” partiyasının sədri İrakli Kobaxidze bildirib.

O bildirib ki, müxalifətin bir hissəsi iş prosesində iştirak etmir və bu, onların məsuliyyətidir. İrakli Kobaxidze müxalifətin bu hissəsinin Avropaya inteqrasiya prosesini sabotaj etmək üçün hər şeyi edəcəyini bildirib.

“Bizim konkret planımız və konkret məqamlarımız var, son tarixləri yazmışıq, işçi qruplar yaratmışıq. Biz hamıya işçi qruplarında iştirak etməyi təklif etdik, çoxları bundan imtina etdi, çoxları razılaşdı. İş prosesi sağlam mühitdə aparılacaq və müvafiq olaraq bizim təklif etdiyimiz vaxt çərçivəsində hər bir bəndin yerinə yetirilməsi təmin olunacaq. İşçi qruplara qoşulmuş siyasi qurumlar və qeyri-hökumət təşkilatları ilə birlikdə bizim cavabdehliyimizlə on iki bəndin hamısı yerinə yetiriləcək.

Müxalifətin bir hissəsi qoşulub, bir hissəsi iştirak etmir. İştirak etməyənlər üçün bu, onların məsuliyyətidir və bu, onların Aİ-yə məsuliyyətsiz münasibətinin ifadəsidir. Biz dəfələrlə demişik ki, radikal müxalifət baxımından Avropa Birliyinə üzv olmaq fəlakətdir və namizəd statusunun qazanılması da onların nöqteyi-nəzərindən fəlakətdir. Niyə ? Belə olan halda hökumətin ciddi xal qazanacağını düşünür və bunu təsəvvür etmək belə istəmirlər. Müvafiq olaraq onlar Avropaya inteqrasiya prosesini sabotaj etmək üçün hər şeyi edəcəklər, etdiklərini etməyə davam edəcəklər” – deyə İrakli Kobaxidze bildirib.