İrakli Kobaxidze – Lövildəki gürcü mülkü həm də Gürcüstan və Fransanın tarixi əlaqələrinin bir rəmzidir, inanıram ki, səmərəli tərəfdaşlıqla həyata keçirilən layihə əməkdaşlığın yeni platformasına çevriləcək

Lövildəki gürcü mülkü həm də Gürcüstan və Fransanın tarixi əlaqələrinin bir rəmzidir, inanıram ki, səmərəli tərəfdaşlıqla həyata keçirilən bu miqyaslı layihə diyaloq və əməkdaşlığın yeni platformasına çevriləcək, – bu barədə Baş nazir İrakli Kobaxidze Lövil mülkünün bərpa işlərinin başa çatmasına həsr olunmuş tədbirdə çıxışı zamanı bildirib.

Hökumət başçısı fransız xalqına və tərəfdaşlarına xüsusi təşəkkürünü bildirib, onların əvəzsiz dəstəyi ilə Gürcüstanın tarixi irsinin bərpası mümkün olub.

“Biz fransız xalqına və dəyərli tərəfdaşlarımıza xüsusi təşəkkürümüzü bildiririk, onların əvəzsiz dəstəyi ilə bizim tarixi irsimizin bərpası mümkün olub.
Bu gündən etibarən Lövil gürcü mülkü soydaşlarımız, diasporumuz və Gürcüstanın tarixi və mədəniyyəti ilə yaxından tanış olmaq istəyən hər kəs üçün açıq təhsil və yaradıcılıq mərkəzi kimi tam fəaliyyət göstərir. Bir daha qeyd etmək istəyirəm ki, bu, hər birimiz üçün xüsusi, çox emosional bir gündür və hamınızı bu möhtəşəm gün münasibətilə təbrik etmək istəyirəm”, – Baş nazir qeyd edib.