Kubilius “Milli Hərəkat”sız Gürcüstanı Avropa İttifaqında təsəvvür edə bilmir-bu barədə “Gürcü Arzusu” partiyasının sədri İrakli Kobaxidze danışıb.

Kobaxidze avropalı parlamentari Andrius Kubiliusun: “Gürcü Arzusu” status almamaları üçün hər şeyi edir. İmpiçment təşəbbüsü də bunun ifadəsidir, Avropada hökumətin öz prezidentinə belə münasibət göstərdiyi ölkə tapa bilməzsiniz”-deyə verdiyi bəyanatına münasibət bildirib.

İrakli Kobaxidze ictimaiyyətin Kubiliusun kim olduğunu yaxşı başa düşdüyünü bildirib.

“Onların dostluğu, münasibətləri aydındır. Gürcüstan cəmiyyəti Kubiliusun kim olduğunu çox gözəl başa düşdü. Kubilius Avropa İttifaqını “Milli Hərəkat”sız təsəvvür edə bilmir. Tanrı yar və yardımçısı olsun” – deyə İrakli Kobaxidze bildirib.