Konstitusiya kobud şəkildə pozulub və hakim komandanın buna reaksiya vermədən keçməsi sadəcə olaraq Gürcüstan Konstitusiyasına hörmətsizlik olacaqdı, konstitusiya, üstəlik də Gürcüstan Prezidenti tərəfindən kobud şəkildə pozulduqda, bu zaman bu cür kobud hərəkətə effektiv cavab vermək hakim komandanın məsuliyyətidir – bu barədə “Gürcü Arzusu”nun sədri İrakli Kobaxidze açıqlayıb.

O, hazırda sənədlərin toplandığını və yəqin ki, bazar ertəsi Konstitusiya Məhkəməsinə təqdim ediləcəyini bildirib.

“Məhz bu səbəbdən impiçment proseduruna başladıq, baxmayaraq ki, hakim komandanın bu prosesi başa çatdırmaq üçün 100 səsi yoxdur. Kollektiv “Milli Hərəkat” vaxtı ilə Salome Zurabişvilini casus, satqın, rezident və s. elan edirdi. Bu gün onların bir gündəliyi var. Bundan irəli gələrək təbii ki, impiçment prosedurunu dəstəkləməyəcəklər. Yəni, casus elan etdikləri prezidenti prezident vəzifəsində saxlayacaqlar, bu da onların ümumiyyətlə təbiətindən, gündəmlərinin təbiətindən xəbər verir. Prosedura gəlincə, imzalar demək olar ki, toplanıb, bu gün bu proses yekunlaşacaq. Həmçinin, ən geci sabaha kimi sənədləşmə yekunlaşacaq və bundan sonra sənədləşmə prosedur komitəsinə göndəriləcək, daha sonra reqlamentə uyğun olaraq prosedur komitəsinin iclası keçiriləcək. Komitə imzaların həqiqiliyini təsdiq edən kimi bu sənədləşmə rəsmi olaraq, yəni Konstitusiya Məhkəməsinə təqdim olunacaq. Bu, əslində bir neçə gün məsələsidir. Komitənin iclasının nə vaxt keçiriləcəyindən asılı olaraq, bu sənədlər ən geci bazar ertəsi Konstitusiya Məhkəməsinə rəsmi olaraq təqdim olunacaq”- Kobaxidze açıqlayıb.