Gürcüstanın Baş naziri İrakli Kobaxidze Azərbaycan Respublikasının Prezidenti İlham Əliyevlə görüşüb.

Təkbətək görüş Bakıda BMT-nin İqlim Dəyişikliyi üzrə 29-cu Konfransı çərçivəsində keçirilib.

Tərəflər konfransda müzakirə olunacaq məsələlər və iki ölkənin strateji tərəfdaşlığı haqda danışıblar. Müxtəlif sahələrdə uğurlu əməkdaşlıq, ölkələrin və regionun inkişafı üçün regional əhəmiyyətli birgə layihələrin rolu vurğulanıb.

Həmçinin, görüş zamanı regionda mövcud təhlükəsizlik çağırışlarına diqqət ayrılıb. Tərəflər regionda sülhün və sabitliyin təmin edilməsini maksimal şəkildə təşviq etməyə hazır olduqlarını təsdiqləyiblər.

İrakli Kobaxidze İlham Əliyevi Gürcüstana rəsmi səfərə dəvət edib.