İrakli Kobaxidze ilə İlham Əliyev arasında telefon danışığı baş tutub

15:04, 09.02.2024

Gürcüstanın Baş naziri İrakli Kobaxidze ilə Azərbaycan Prezidenti İlham Əliyev arasında telefon danışığı baş tutub.

Baş nazirin mətbuat xidmətindən verilən məlumata əsasən, İlham Əliyev İrakli Kobaxidzeni baş nazir təyin olunması münasibətilə təbrik edib, ona gələcək fəaliyyətində uğurlar arzulayıb. İrakli Kobaxidze öz növbəsində İlham Əliyevi prezident seçkilərində qələbəsi münasibətilə təbrik edib.

Gürcüstan və Azərbaycan arasında ikitərəfli əməkdaşlığın daha da dərinləşdirilməsinə toxunulub.

Müəllif - Sevinj Mustafaeva

Siyasət