İrakli Kobaxidze – İkinci İlianın xidməti epoxal xarakter daşıyır, o, millətin mənəvi birliyini qorumuş və möhkəmləndirmiş, irsimizi müasir dövlətçiliyimizlə bağlayan möhkəm bir körpü yaratmışdır

Müasir və müstəqil Gürcüstanın ilk patriarxı, müqəddəs və ən bəxtiyar İkinci İlianın xidməti həqiqətən epoxal xarakter daşıyır, – bu Baş nazir İrakli Kobaxidze “Avropa sivilizasiyasının əsasları və Gürcüstanda xristiyanlığın 1700 ili” mövzusunda keçirilən beynəlxalq konfransdakı çıxışı zamanı bildirib.

Hökumət başçısının qeyd etdiyi kimi, Patriarx İkinci İlia millətin mənəvi birliyini qoruyub möhkəmləndirdi və əsrlər boyu davam edən irsi müasir gürcü dövlətçiliyi ilə birləşdirən möhkəm bir körpü yaratdı.

“Müasir və müstəqil Gürcüstanın ilk patriarxı, müqəddəs və ən bəxtiyar İkinci İlianın xidməti isə həqiqətən epoxal xarakter daşıyır. Məhz onun sevgi və müdrikliklə aşılanmış rəhbərliyi xristian dəyərlərinin yenidən müstəqilliyini qazanmış dövlətin təməllərində dərindən kök salmasını şərtləndirdi. Patriarx İkinci İlia millətin mənəvi birliyini qorumuş, möhkəmləndirmiş və çoxəsrlik irsimizi müasir gürcü dövlətçiliyi ilə bağlayan həmin o möhkəm körpünü yaratmışdır”, – deyə İrakli Kobaxidze bildirib.