Baş nazirliyə namizəd İrakli Kobaxidze hökumətin tərkibini parlamentə təqdim edib. Bu barədə büronun bugünkü iclasında məlum olub.

Hökumətin tərkibində dəyişiklik yalnız müdafiə nazirinə şamil olunacaq. Cuanşer Burchuladzeni parlamentin vitse-spikeri, Zuqdidinin majoritarı İrakli Çikovani əvəz edəcək.

Hökumətin tərkibi belədir:

Mədəniyyət və idman naziri – Tea Tsulukiani;

İqtisadiyyat və davamlı inkişaf naziri – Levan Davitaşvili;

Xarici işlər naziri – İlia Darçiaşvili;

Maliyyə naziri – Laşa Xutsişvili;

Regional inkişaf və infrastruktur naziri – İrakli Karseladze;

Ədliyyə naziri – Rati Breqadze;

Daxili işlər naziri – Vaxtanq Qomelauri;

Müdafiə naziri – İrakli Çikovani;

Ətraf mühitin mühafizəsi və kənd təsərrüfatı naziri – Otar Şamuqia;

Təhsil, elm və gənclər naziri – Qiorqi Amilaxvari;

İşğal olunmuş ərazilərdən olan məcburi köçkünlər, əmək, səhiyyə və sosial müdafiə naziri – Zurab Azaraşvili;

Uzlaşma və Vətəndaş Bərabərliyi üzrə dövlət naziri – Tea Axvlediani;

Bundan başqa, hökumət proqramı da parlamentə təqdim olunub, indiyədək heç bir dəyişiklik edilməyib.

İrakli Kobaxidzeni fevralın 1-də “Gürcü Arzusu” partiyasının qurultayında baş nazirliyə namizəd təqdim ediblər.

Parlament fevralın 8-də baş naziri və hökumətin tərkibini təsdiq edəcək.