Baş nazirliyə namizəd İrakli Kobaxidze, hökumətin tərkibində yalnız bir dəyişiklik ediləcəyini və İrakli Çikovaninin müdafiə naziri Cuanşer Burchuladzeni əvəz edəcəyini açıqlayıb.

Kobaxidze bu barədə partiyanın qurultayından sonra açıqlayıb.

“Hökumətə gəlincə, son üç ilin ölkəmiz üçün müstəsna uğurlu olduğunu bilirsiniz, biz əmin-amanlığı, ölkədə sabit mühiti qoruyub saxlaya bildik, nominal iqtisadiyyatı iki dəfə artırmağa nail olduq, bunlar ilk növbədə hökumətin fəaliyyəti, ilk növbədə baş nazir İrakli Ğaribaşvilinin fəaliyyəti ilə bağlıdır və təbii ki, hökumətin hər bir üzvü bu uğura öz töhfəsini verib. İlk növbədə, bunu nəzərə alaraq, komandada hökumətin formalaşdırılmasından danışarkən vurğulamaq istəyirəm ki, hökumətin hər bir üzvünə vəzifəsində qalmağa təklif etdim, siyasətdən başqa bir sahəyə keçmək istədiyini deyən yeganə nazir müdafiə naziri Cuanşer Burchuladze idi. Mən onun mövqeyinə hörmətlə yanaşıram, müvafiq olaraq Gürcüstan hökumətində yeganə dəyişiklik ediləcək, müdafiə naziri vəzifəsinə İrakli Çikovaninin namizədliyi irəli sürüləcək. Bu, rəsmən parlamentə təqdim olunacaq tərkibdir”- Kobaxidze açıqlayıb.