Düşünürük ki, ən çoxu gələn ilin ilk aylarından həm Aİ, həm də ABŞ ilə münasibətlər keyfiyyətcə bərpa olunmağa başlayacaq. – Bu barədə Gürcüstanın baş naziri İrakli Kobaxidze məlumat verib.

Kobaxidzenin qeyd etdiyi kimi, “Gürcü arzusu”nun əsas xarici prioriteti Avropa İttifaqına inteqrasiyadır.

“Biz münasibətlərin bərpasını gözləyirik və düşünürəm ki, bu, mütləq belə olacaq. Bu proses gələn ildən xüsusilə intensiv şəkildə başlayacaq. Düşünürük ki, Ukraynada müharibə ilkin proqnozdan daha tez başa çatacaq. Düşünürük ki, ən çoxu gələn ilin ilk aylarından həm Aİ, həm də ABŞ ilə münasibətlər keyfiyyətcə yenidən qurulmağa başlayacaq, bu, bizim əsas prioritetlərimizdən biridir.

Əsas xarici prioritetimiz Avropa İttifaqına inteqrasiyadır. Ona görə də biz münasibətlərin hazırkı vəziyyətini qəti şəkildə bəyənmirik. Düşünürük ki, tezliklə bu istiqamətdə ilk əlamətlər görünəcək, gələn ilin ilk aylarından əlaqələr keyfiyyətcə yenidən qurulacaq ki, bu da ölkəmiz üçün mühüm əhəmiyyət kəsb edir. Həmçinin hesab edirəm ki, bu, Aİ və ABŞ üçün vacibdir”, – deyə İrakli Kobaxidze bildirib.