“Gürcü Arzusu” partiyasının sədri İrakli Kobaxidze Böyük Britaniya parlamentində Gürcüstan məsələləri üzrə çalışan partiyalararası parlament qrupunun sədri Conatan Canoqli ilə görüşüb.

Gürcüstan parlamentinin mətbuat xidmətinin yaydığı məlumatda görüşdə əsas müzakirə mövzusunun Gürcüstanda gedən siyasi proseslər və ikitərəfli əməkdaşlıq məsələləri olduğu deyilir.

İrakli Kobaxidze qrupun sədrinə və nümayəndə heyətinin üzvlərinə dəstəyə görə təşəkkür edib. Onun dediyi kimi, Britaniyanın beynəlxalq arenada dəstəyi Gürcüstan üçün vacibdir.

“Britaniya parlamentində görkəmli dostlarımız var. İlk növbədə dostluq qrupunun rəhbərinə, eləcə də digər parlamentarilərə dəstəyə görə təşəkkür etmək istərdim”- deyə İrakli Kobaxidze görüşdən sonra bildirib.