İrakli Kobaxidze – Bizim məqsədimiz XI sinif üçün qəbul imtahanlarına hazırlığı da nəzərdə tutan müvafiq dərsliklərlə təmin olunmuş yeni tədris proqramının hazırlanmasıdır

Təhsil islahatı ilə bağlı müzakirələr, bir çox formatlar olub, lakin biz bütün mövzular ətrafında müzakirələri müxtəlif formatlarda genişləndirməyə hazırıq; hətta artıq həyata keçirilmiş islahatda belə dəyişikliklər edilə bilər, – bu barədə Gürcüstanın Baş naziri İrakli Kobaxidze “Açıq efir” verilişində bəyan edib.

Hökumət başçısının sözlərinə görə, məktəblərin əksəriyyətində XII sinif formal xarakter daşıyırdı, çünki şagirdlər real olaraq məktəbə getmirdilər.

“Məktəblərin əksəriyyətində, 90%-dən çoxunda — XII sinif formal xarakter daşıyırdı və şagirdlər real olaraq məktəbə getmirdilər. Məktəblərin böyük əksəriyyətində real vəziyyət bundan ibarət idi. Yekun olaraq, çoxlu sayda lazımsız fənlərin, dərsliklərin və s. olduğunu nəzərə alaraq, 11 illik təhsillə bağlı qərar qəbul etdik. Hesab etdik ki, tədris proqramını 11-ci sinifdə tam şəkildə yerləşdirmək mümkündür. Həmçinin 11-ci sinfə gəlincə, bura bir növ növbəti universitet həyatına hazırlıq mərhələsi olmalıdır. Məhz bu səbəbdən məqsədimiz XI sinif üçün qəbul imtahanlarına hazırlığı da nəzərdə tutan və repetitorluq funksiyasını yerinə yetirəcək müvafiq dərsliklərlə təmin olunmuş yeni tədris proqramının hazırlanmasıdır. Qalan bütün mövzularla bağlı müzakirələr aparıla bilər və biz bu cür müzakirələrə hazırıq”, – deyə Baş nazir qeyd edib.