Biz hamıdan ədalət tələb edirik, o cümlədən Kezeraşvilini məcburi köçkün olan media sahibi kimi adlandıran konkret avropalı siyasətçilərdən də. Bu bizim üçün qəti şəkildə qəbuledilməzdir –  “Gürcü Arzusu” partiyasının sədri İrakli Kobaxidze bildirib.

Onun sözlərinə görə, hər kəs Kezeraşvilinin kim olduğunu, pulu necə və nə hesabına qazandığını bilir.

“Bu, onun biznes reketliyi, ordunu talamaq və indi artıq avropalı təqaüdçüləri talamaqla qazandığı qanlı puldur. Təbii ki, avropalı siyasətçilərin belə insanlara dəstək verməsi bizim üçün qəti şəkildə qəbuledilməzdir və biz bu cür əməllərə həmişə çox sərt reaksiya verəcəyik.

Kezeraşvilidən müxtəlif formalarda, istər maaş, istərsə də başqa formada pul alan insanlara gəlincə, təbii ki, bizim üçün bu, birbaşa mənəviyyatla bağlıdır. Bütün bunlar əxlaqla bir növ güzəştə getmək deməkdir və bu bizim üçün təbii ki qəbuledilməzdir və biz bunu hamıya xatırlatmaq istəyirik”, – deyə Kobaxidze bildirib.