“Gürcü Arzusu”nun sədri İrakli Kobaxidze İspaniyada Basklar ölkəsinə səfərinin ikinci günündə Basklar ölkəsinin parlamentinin sədri Bakarço Texeira, Xarici Əlaqələr Komitəsinin rəhbəri Rakel Molina və adıçəkilən komitənin üzvləri ilə görüşüb.

“Gürcü Arzusu”nun mətbuat xidmətinin məlumatına əsasən görüşlərdə Gürcüstan parlamentinin Xarici Əlaqələr Komitəsinin sədri Nikoloz Samxaradze, parlamentin üzvü Mixeil Ğavelaşvili və Gürcüstanın İspaniya Krallığındakı səfiri İlia Qiorqadze də iştirak ediblər.

Görüşlərdə İrakli Kobaxidze gürcü-bask münasibətlərinin dərinləşdirilməsinin vacibliyini vurğulayıb. Basklar ölkəsi parlamentinin sədri və Xarici Əlaqələr Komitəsinin üzvləri Gürcüstanı Avropaya inteqrasiya yolunda dəstəklədiklərini təsdiqləyiblər.