Gürcüstanın baş nazirliyinə namizəd İrakli Kobaxidze İrakli Ğaribaşvilini “Gürcü Arzusu” partiyasının sədri seçilməsi münasibətilə təbrik edir.

Kobaxidze, bütün komandaya və siyasi şuranın iclasında baş nazirliyə onun namizədliyini irəli sürən Bidzina İvanişviliyə, həmçinin siyasi şuranın hər bir üzvünə və nümayəndələrinə təşəkkürünü bildirib.

“Baş nazir vəzifəsi olduqca məsuliyyətli vəzifədir və komandanın ümidlərini layiqincə doğruldacağıma ümid edirəm. Təbii ki, bizim çox mühüm çağırışlarımız var və bu halda da komandanın birliyi əsasdır. Bildiyiniz kimi, partiyanın nizamnaməsinə əsasən, baş nazirliyə namizədin adını çəkmək partiyanın fəxri sədrinin səlahiyyətindədir. Müvafiq prosedura əsasən, siyasi şura bu qərarı verib. Mən bir daha cənab Bidzina İvanişviliyə və siyasi şuranın hər bir üzvünə göstərdikləri etimada və bu qərara görə təşəkkür edirəm”- deyə İrakli Kobaxidze açıqlayıb.