“Gürcü Arzusu”nun sədri, parlament çoxluğunun lideri İrakli Kobaxidze Macarıstanın paytaxtı Budapeştə səfəri çərçivəsində Avropa İttifaqı məsələləri nazirinin müavini Barna Sjiqmond ilə görüşüb.

İclasda Avropa İttifaqı məsələləri nazirinin müavini Macarıstanın Gürcüstanın namizəd statusu məsələsini dəstəklədiyini açıq şəkildə bəyan edib.

“Gürcü Arzusu”nun sədri Gürcüstana verdiyi dəstəyə görə Barna Sjiqmonda təşəkkür edib. İrakli Kobaxidze iki ölkə arasında əməkdaşlığın daha da dərinləşəcəyinə ümidvar olduğunu bildirib.

İclasda nümayəndə heyətinin üzvləri – parlamentin birinci vitse-spikeri Qiorqi Volski, parlamentin Avropaya İnteqrasiya Komitəsinin sədri Maka Bochorişvili və parlament çoxluğunun üzvü İrakli Mezurnişvili iştirak ediblər.

Məlumatı “Gürcü Arzusu”nun mətbuat xidməti yayıb.