Gürcüstanın baş naziri İrakli Kobaxidzenin sözlərinə görə, oyuna çağırılan futbolçulara, eləcə də məşqçilər korpusuna və futbol federasiyasına “Şərəf” ordeni təqdim olunacaq.

Bu barədə İrakli Kobaxidze hökumətin bugünkü iclasında məlumat verib.

“Final oyunlarına çağırılan 26 futbolçu mükafatlandırılacaq. Onların hər birini “Şərəf” ordeni münasibətilə təbrik edirəm. Həmçinin, bütün məşqçilər korpusu və Federasiya rəhbərliyinə “Şərəf” ordeni təqdim olunacaq. Bunlar həqiqətən layiqli insanlardır. Bu, ölkədən və dövlətdən alına biləcək bir növ minimum qiymətdir. Bir daha hər kəsi təbrik edirəm. Bizi daha böyük uğurlar gözləyir. Milli komandamıza Avropa çempionatında uğurlar arzulayıram”, – deyə Kobaxidze bildirib.