Gürcüstan-Ermənistan sərhədi yaxınlığında, Debeda çayı üzərində yeni avtomobil körpüsü iki xalqın dostluğunun yaxşı nümunəsidir -bu barədə Gürcüstanın Regional İnkişaf və İnfrastruktur naziri İrakli Karseladze Gürcüstan-Ermənistan sərhədində, Debeda çayı üzərində yeni avtomobil körpüsünün rəsmi açılış mərasimindən sonra bildirib.

O, yeni körpünün əsas buraxılış məntəqəsi olacağını və iki ölkə arasında ticarət-iqtisadi əlaqələrin inkişafına töhfə verəcəyini bildirib.

“Sözügedən körpü layihəsi həm də həyata keçirilməsi nöqteyi nəzərdən unikaldır, çünki iki ölkə tərəfindən birgə tikilib və bundan irəli gələrək dostluğumuzun və qardaşlığımızın tarixən necə inkişaf etdiyini göstərən yaxşı nümunədir”- deyə Karseladze bildirib.

Baş nazir İrakli Ğaribaşvili Ermənistan Respublikasının baş naziri Nikol Paşinyanla birlikdə yeni avtomobil körpüsünün açılışını bu gün edib.