Gürcüstanın regional inkişaf və infrastruktur naziri İrakli Karseladze təbii fəlakət zonasında aparılan işləri bir daha yekunlaşdırıb.

“Altı gün ərzində çox iş görüldü. Mövcud şərtləri nəzərə alaraq maksimum edilir. Körpünün quraşdırılması çox vacib idi, bu da bizə ərazini mümkün qədər genişləndirmək imkanı verdi. Xilasedicilər və hüquq-mühafizə orqanlarının texnikanın köməyi ilə daha çox ərazidə işləyə bilmələri üçün mümkün qədər perimetri tam əhatə etmək və müvafiq giriş-çıxışları təşkil etmək mühümdür”- deyə İrakli Karseladze bildirib.

Nazir bir daha bölgədə çalışan insanların səylərindən danışıb, onlara gördükləri işlərə görə təşəkkür edib.

“Bu ağır işlərdə iştirak edən hər kəs böyük və vacib iş görür. Bunlar xilasedicilər, hüquq-mühafizə orqanları, yol idarəsinin əməkdaşları, podratçı təşkilatlar və ağır texnikada fasiləsiz işləyən hər bir operatordur” – deyə infrastruktur naziri bildirib.

İrakli Karseladze bildirib ki, təbii fəlakət zonasında artıq alternativ yol təşkil olunub və onun vasitəsilə turş sular bölgəsində işlər görülüb, çayı köhnə yatağına qaytarmaq mümkün olub, bundan sonra da ərazidə axtarış-xilasetmə işlərinə başlanılıb.

“Eyni şey körpünün salınmasından sonra da oldu. Birbaşa fəlakətin episentrinin yanında lokasiyalar əlavə edildi, bölgəyə ağır texnika və canlı qüvvə səfərbər olunub. Təbii ki, işlər çox diqqətlə və xilasedicilərin nəzarəti altında aparılır. Onu da qeyd edək ki, işlər körpünün yaxınlığında, köhnə yol və kiçik hövzənin ərazisində də aparılır”- deyə nazir bildirib.

İrakli Karseladze qeyd edib ki, hazırda səkkiz yerdə 90-a yaxın ağır texnika işləyir, lakin tezliklə iş sahəsini genişləndirmək mümkün olacaq və bu mərhələdə yalnız fiziki qüvvənin işlədiyi yerlərdə texnika da daxil olacaq.