Vladimir Zelenskinin Gürcüstanın ərazi bütövlüyünün bərpa olunması istəyi təqdirəlayiqdir, lakin biz bunun yalnız və yalnız dinc inkişaf yolu ilə baş tutmasını niyyətindəyik, – parlament çoxluğunun üzvü İrakli Kadaqişvili bildirib.

Onun fikrincə, müharibə yalnız dağıntıya səbəb olur, yenidənqurmaya deyil.

“İlk növbədə Ukraynanın uğurlu, sülhsevər və vahid dövlət olmasını arzulayıram. Bunu bütün qəlbimlə və ruhumla arzulayıram. Heç bir ölkənin ərazi bütövlüyünün pozulması məqbul olmamalıdır, lakin biz, Gürcüstan olaraq müəyyən hərbi hərəkətləri Gürcüstanın ərazi bütövlüyünün bərpası ilə əlaqələndirmirik. Ona görə də onun Gürcüstanın ərazi bütövlüyünün bərpa olunması istəyi təqdirəlayiqdir, lakin biz onu yalnız dinc inkişaf yolu ilə bərpa etmək niyyətindəyik. Biz Qafqazla, tarixən Gürcüstanda gürcülərlə birgə yaşayan insanlarla məşğuluq. Onu müharibə ilə bərpa etmək olmaz, onu müharibə məhv edir, Gürcüstanda bu birliyi ancaq sülhlə bərpa etmək olar”, – Kadaqişvili bildirib.

Ukrayna prezidenti Vladimir Zelenskinin sözlərinə əsasən, Ukraynanın Rusiya təcavüzündən müdafiəsi sayəsində Gürcüstanın ərazi bütövlüyünü bərpa etmək üçün yeni perspektivlər açılacaq.