Kelli Deqnan və Bidzina İvanişvilinin nə haqqında danışması barədə fərziyyələr irəli sürməyəcəyəm, bir şeyə əminəm ki, bu söhbət xeyriyyəçilik haqda olmayıb – parlament əksəriyyətinin üzvü İrakli Kadaqişvili ABŞ səfirinin Bidzina İvanişvili ilə görüş haqqında bəyanatını belə qiymətləndirib.

“Bəyanata hansı qiymət verilə bilər? Əvvəlcə bu görüş inkar edildi, sonra təsdiqləndi. Bu məzmunda nə barədə danışdılar, mən fərziyyələr irəli sürməyəcəyəm. Bir şeyə əminəm ki, bu söhbət xeyriyyəçilik haqda olmayıb. Daha heç nə deyə bilmərəm” – deyə İrakli Kadaqişvili bildirib.

ABŞ səfiri Kelli Deqnan, Bidzina İvanişvili ilə görüşlə əlaqədar, görüş zamanı ABŞ-Gürcüstan tərəfdaşlığı və ABŞ-ın Gürcüstanın inkişafına dəstək verməyə çalışdığı bir çox digər sahələrdən danışdıqlarını bildirib.