Jiuli Şartava vətənin birliyi və azadlığı uğrunda mübarizə aparan liderin simvoludur- bu barədə Gürcüstanın müdafiə naziri İrakli Çikovani sosial şəbəkədə yazır.

“Bu gün Gürcüstanın milli qəhrəmanı Jiuli Şartavanın doğum günüdür. Onun qəhrəmanlığı, üstün mətanəti və cəsarəti nümunəvidir. Jiuli Şartava vətənin birliyi və azadlığı uğrunda mübarizə aparan liderin simvoludur. O, hər zaman gürcülərlə abxazlar arasında etimadın bərpasına öz töhfəsini vermiş, sona qədər Suxuminin müdafiəçiləri sıralarında dayanmış, həyatı bahasına ölkəni, xalqı qorumağa çalışmışdır.

Vətəni birləşdirmək, abxaz qardaşlarımızla birlikdə güclü dövlət qurmaq bizim məqsədimizdir. Qəhrəmanlarımızın, o cümlədən Jiuli Şartavanın fədakarlığı bizə bu məqsədi hər gün xatırladır. Ölkəmizin görkəmli qəhrəmanının xatirəsi qarşısında baş əyirəm.

Qəhrəmanlara şöhrət !” – İrakli Çikovani sosial şəbəkədə yazır.