Vahid Avro ödəniş məkanına qoşulmağa hazırlaşırıq- bu barədə Gürcüstanın baş naziri İrakli Ğaribaşvili hökumətin iclasında bildirib.

O , bu məqsədlə fəal iş aparıldığını bildirir.

“Vətəndaşlarımıza Avropa İttifaqı ilə inteqrasiya ilə bağlı müsbət məlumat vermək istəyirəm. Vahid Avro ödəniş məkanına qoşulmağa hazırlaşırıq. SEPA adlı təşkilat var, bu, Avropa İttifaqı və Avrozona ölkələrində vergi xidmətləri və provayderlərinin uyğunlaşdırılması üçün çərçivədir, Avropa İttifaqının 27 ölkəsi, eləcə də Böyük Britaniya, İsveçrə, Norveç, İrlandiya və Lixtenşteyn onun üzvüdür. Biz bu məqsədlə aktiv işləyirik. Milli Bank, İqtisadiyyat Nazirliyi, müxtəlif dövlət qurumları qoşulublar. Hökumətin bugünkü iclasında təqdim olunan üç qanunlayihənin təsdiq edilməsi üçün göndərildiyi Gürcüstan parlamenti qanunvericilikdə, vətəndaşlarımız üçün çox müsbət olacaq müvafiq dəyişiklikləri təsdiqləməli və əks etdirməlidir. Deyərdim ki, Avropa İttifaqına köçürmələr üçün müxbir bankdan və ya vasitəçidən istifadə etmək lazım olmayacaq və bu, vətəndaşlarımız üçün çox müsbət məsələdir” –deyə Ğaribaşvili bildirib.