Ümumi səhiyyə proqramının işə salınması, tətbiqi və başladılması partiyamızın qurucusu, sabiq baş nazir Bidzina İvanişviliyə məxsusdur və bu, minlərlə insanı, on minlərlə insanı xilas edən nəticədir. Əgər ölkədə hələ də bu zülmkar, neofaşist rejim olsaydı, on minlərlə insan sadəcə müalicə ala bilməyəcəkdi və biz bu qədər minlərlə insanın həyatını xilas etdik, reallıq budur-bu barədə Baş nazir İrakli Ğaribaşvili jurnalistlərə açıqlayıb.

O, özəl tibb klinikalarının dövlətin ümumi səhiyyə proqramlarına xərclədiyi vəsaitdən demək olar ki, 6,8 milyard lari aldığını qeyd edib.

“Özəl klinikalara olduqca çoxlu yardım ayırdıq. Bütün bu vəsait özəl klinikalara gedib – 6 milyard 800 milyon lari, 200 milyonu isə dövlət klinikalarına gedib.

Bununla da, təbii ki, səhiyyə sektoru son on ildə xeyli inkişaf edib. Bu bizim dəsti-xəttimizdir. Başqa sözlə, qarşılaşdığımız reallıq və bu gün sahib olduğumuz şey gecə ilə gündüz kimidir. Ondan əvvəl dövlətin əslində insanları, vətəndaşları tutub, işgəncə verib, öldürüb və başına min bir bəla saldığını xatırlayırsınız, ondan sonra müalicə etməyib, belə desək taleyin öhdəsinə buraxırdı. Biz bütün bu yanaşmaları dəyişdik və çox gözəl nəticə əldə etdik”- deyə baş nazir qeyd edib.