Hamımız birlikdə çox çətin dövrdən keçdik. Bu prosesin idarə olunmasında hökumət, parlament, bütün cəmiyyət iştirak edirdi. Sonda demək olar ki, ölkəmiz bu gün bu mərhələdə qalib kimi çıxdı-bu barədə Gürcüstanın Baş naziri İrakli Ğaribaşvili illik hesabatı təqdim edərkən açıqlayıb.

Ğaribaşvilinin açıqladığı kimi, Avropa qitəsində misli görünməmiş çağırış və böhran var və o, Ukraynadakı müharibənin hamı üçün böyük çağırış olduğunu qeyd edib.

“Regiondakı vəziyyəti təsvir etməklə başlamaq istərdim. Avropa qitəsində görünməmiş çağırış və böhran var. Ukraynadakı müharibə hamımız üçün böyük sınaqdır. Müharibə təkcə Avropa qitəsinin özünə deyil, həm də regionumuza, ölkəmizə, bütövlükdə qlobal siyasətə böyük təsir göstərdi. Demək olar ki, bütün dünya İkinci Dünya Müharibəsindən bəri qarşılaşmadığımız böyük bir problemlə üz-üzədir. Biz bunu yaxşı başa düşürük. Bu, olduqca rasional şəkildə idarə edilməli olan çox çətin bir çağırışdır və biz siyasətimizi buna uyğun qurmuşuq. Biz ilk günlərdən düzgün siyasət tutduq. Düzgün siyasət yürütmüşük və bu düzgün siyasəti yürüdürük. Mən dəfələrlə demişəm və komanda üzvlərimizin ümumi ruhu ondan ibarətdir ki, bizim əsas vəzifəmiz ölkəmizin milli maraqlarını qorumaq olmalıdır. Məhz bu əsas motivasiya və ideya ilə biz hərəkət edir və xalqımızın, xalqın maraqlarının ilk növbədə ehtiyac duyduğu siyasəti həyata keçiririk” – deyə Ğaribaşvili açıqlayıb.

Bununla yanaşı, Baş nazir Ukrayna xalqını dəstəklədiyini bildirib və onlara sülh arzulayıb.

“Biz bu müharibədən çox narahatıq. Mən Ukrayna xalqına dəstəyimi bir daha təsdiqləmək, onlara sülh, müharibənin tezliklə başa çatmasını arzulayıram. Mən Ukraynanın suverenliyinə və müstəqilliyinə dəstəyimizi təsdiqləyirəm və bu müharibə mümkün qədər tez başa çatmalıdır”- deyə İrakli Ğaribaşvili açıqlayıb.