Ukraynada müharibənin başa çatması hamı üçün böyük əhəmiyyət kəsb edir, müharibənin nəticələri bütün dünya, o cümlədən Gürcüstan üçün qarşıdakı günləri müəyyən edəcək-bu barədə Gürcüstanın baş naziri İrakli Ğaribaşvili “Avropa Günü”-nə həsr olunmuş tədbirdə çıxış edərkən bildirib.

“Əlbəttə, bizim üçün, hamı üçün Ukraynada müharibənin başa çatması böyük əhəmiyyət kəsb edir, bir daha təkrar edirəm – əlbəttə ki, bu, bütün Avropa üçün, bütün Avropanın təhlükəsizliyi üçün çağırışdır və təbii ki, müharibənin nəticələri bütün dünya, o cümlədən bizim, Gürcüstan üçün qarşıdakı günləri müəyyən edəcək.
Müvafiq olaraq, müassir dünyanın bu gün Avropanın qarşısında duran bu çağırışa necə cavab verəcəyi çox vacibdir. Biz gürcüləri Avropa ilə ortaq dəyərlərimiz birləşdirir, bunlar fundamental dəyərlərdir və biz onlardan heç vaxt kənara çıxmayacağıq. Yaşasın Vahid Gürcüstan və bütün Avropa” – deyə baş nazir bildirib.