Sahibkarlıq və innovasiyaları təşviq edən mühiti hazırlamaqla investisiyaları cəlb edirik, iş yerləri yaradırıq, əhalimizin həyat səviyyəsini yaxşılaşdırırıq- bu barədə Gürcüstanın Baş naziri İrakli Ğaribaşvili Dubayda Dünyanın Hökumətləri zirvə toplantısında çıxışı zamanı açıqlayıb.

“Gürcüstanın regional ticarət və logistika mərkəzi kimi mövqeyini dəstəkləmək məqsədilə hökumət həm yumşaq, həm də sərt infrastrukturun inkişafına böyük sərmayə qoyur. Qara dəniz sualtı elektrik kabelinin inkişafı, Avropa-Asiya neft nəqli dəhlizi, Qara dəniz maye qaz layihəsi, Şərq-Qərb xəttinin tikintisi ilə dəmir yolunun modernləşdirilməsi, Anaklia dərin su limanının inkişafı kimi enerji və infrastruktur sahəsində regional investisiyalar bölgəmizin və Gürcüstanın tutumunu artıracaq. Avropa-Asiya ticarət dəhlizinin şaxələndirilməsi və genişləndirilməsinin artan əhəmiyyətini nəzərə almaqla və dırnaq arası Orta dəhlizin, mövcud marşrutların həyati əhəmiyyət kəsb edən alternativi olaraq görüldüyünü dərk etməklə bu layihələr xüsusilə aktualdır. Bu infrastruktur layihələri bizim və beynəlxalq tərəfdaşlarımız üçün strateji əhəmiyyət kəsb edir, o cümlədən Gürcüstan və Qara dənizdən keçməklə yaşıl, bərpa olunan enerji tranziti imkanları yaradacaq Qara dəniz sualtı elektrik ötürücü kabeli xüsusilə qeyd ediləsidir.

Həmçinin, mən Gürcüstanın böyük həcmdə quru və maye yüklərin daşınması imkanlarını artıracaq Anaklia dərin su limanının inkişafını qeyd etmək istərdim. Avropalı tərəfdaşlarımızla əlavə enerji stimulu , Avropa İttifaqı və Asiya bazarları ilə inteqrasiyaya katalizator effekti verəcək flaqman layihələri artıq müzakirə edirik. Cənubi Qafqazın bütün ölkələrinin, şərq və qərbin bu layihələrdən faydalanacağına inanırıq”- deyə İrakli Ğaribaşvili açıqlayıb.