Gürcüstanın Baş naziri İrakli Ğaribaşvili Qətər əmiri Şeyx Tamim bin Hamad bin Xəlifə Al-Tani ilə görüşüb.

Gürcüstanın Hökumət Administrasiyası tərəfindən yayılmış məlumatda İrakli Ğaribaşvili və Qətər əmirinin iki ölkə arasında müxtəlif sahələrdə məhsuldar əməkdaşlığın dinamikasını müzakirə etdikləri deyilir. Qeyd olunub ki, Gürcüstan və Qətər arasında iqtisadi əməkdaşlığın dərinləşdirilməsi hər iki ölkənin iqtisadi diplomatiya gündəliyinin prioritet istiqamətidir. Mövcud iqtisadi-ticarət əlaqələrini dərinləşdirmək və gücləndirməyə dair hazırlıq ifadə olunub.

Baş nazirin qeyd etdiyi kimi, Gürcüstan hökuməti Qətər iş adamlarının ölkədə müxtəlif sahələrə sərmayə qoymasını məmnunluqla qarşılayır.