Dövlətimizin gücünü və əhalimizin təhlükəsizliyini güclü polis müəyyən edir, – bu barədə Gürcüstanın baş naziri İrakli Ğaribaşvili Polis Günü ilə əlaqədar keçirilən tədbirdə çıxışında bildirib.

Hökumət başçısının da qeyd etdiyi kimi, polis vəzifə üçün fədakar peşəkarlara, polis forması ilə fəxr edən zabitlərə malik olarsa güclü və uğurludur.

“Xanım Prezident, cənab parlamentin sədri, hörmətli hökumətin və parlamentin üzvləri, diplomatik korpusun nümayəndələri, əziz polislər, fəxrimiz olan polislərimiz, cənab daxili işlər naziri, əziz qonaqlar, hamınızı Polis Günü münasibətilə təbrik edirik! Bu gün bu tribunada durub sizi Polis Günü münasibətilə təbrik etmək mənim üçün böyük şərəfdir. Polisin böyük pərəstişkarı olduğumu siz yaxşı bilirsiniz. Keçmiş daxili işlər naziri və baş nazir olaraq sizin nə qədər məsuliyyətli və çətin iş gördüyünüzü çox yaxşı başa düşürəm. Ölkəmiz üçün, xalqımız üçün, cəmiyyətimizin təhlükəsizliyi, ölkəmizin əmin-amanlığı üçün necə çətin şərtlər altında 24 saat işlədiyinizi çox yaxşı bilirəm.

Fəaliyyətinizin sizə tez-tez böyük risk bahasına başa gəldiyini çox yaxşı bilirəm. Bu gün biz ölkənin və xalqın təhlükəsizliyi uğrunda canlarından keçmiş, sizin dostlarınızı, həmkarlarınızı, qəhrəman polislərimizi bir daha xatırlayırıq. Qəhrəman polislərimizin parlaq xatirəsi qarşısında bir daha baş əyirəm.

Dövlətimizin gücünü, əhalimizin təhlükəsizliyini güclü polis təyin edir. Polis vəzifə üçün fədakar peşəkarlara, sizin kimi fədakar, polis forması ilə fəxr edən zabitlərə malik olarsa, texnika və silahları müassir standartlara və çağırışlara cavab verərsə və təbii ki, polis infrastrukturu qaydasında və saz olarsa güclü və uğurludur”-deyə baş nazir bildirib.