İrakli Ğaribaşvili - Özbəkistanın baş naziri ilə görüşdə ölkələrimiz arasında əməkdaşlığın daha da genişləndirilməsi imkanlarını müzakirə edəcəyik

11:54, 19.07.2022

Gürcüstanın baş naziri İrakli Ğaribaşvili “Twitter” sosial şəbəkəsində Özbəkistan Respublikasının baş naziri Abdulla Aripovla görüşünə münasibət bildirir.

Hökumət başçısı özbək həmkarı ilə görüşdə ikitərəfli gündəliyi və iki ölkə arasında əməkdaşlığın daha da genişləndirilməsi imkanlarını müzakirə edəcəyini qeyd edir.

“Mənim Daşkəndə rəsmi səfərim başlayır və Özbəkistan Respublikasının baş naziri Abdulla Aripovla görüşəcəyim üçün şadam. Görüşdə ikitərəfli gündəliyi və ölkələrimiz arasında bütün istiqamətlərdə əməkdaşlığın daha da genişləndirilməsi imkanlarını müzakirə edəcəyik” – deyə baş nazir qeyd edir.

Müəllif - Sevinj Mustafaeva

Siyasət