Ölkə sülh yolu ilə işğaldan azad edilməlidir, əsas məqsəd və ölkənin birləşməsi budur-bu barədə Gürcüstanın Baş naziri İrakli Ğaribaşvili hökumət başçısının Avropa Siyasi Birliyinin (EPC) üçüncü sammitində iştirak etdiyi İspaniyada jurnalistlərlə söhbəti zamanı bildirib.

Baş nazirin sözlərinə görə, əsas diqqət tarixlərə deyil, xalqa və ölkəyə lazım olan şeylərə yönəldilməlidir.

“Biz tarixlərə diqqət yönəltməməliyik, xalqımıza və ölkəmizə lazım olan hər şeyi etməliyik. Biz islahatları davam etdirməliyik, ölkəni inkişaf etdirməliyik, ölkəmizin iqtisadiyyatını gücləndirməliyik, bu ən vacib məsələdir. Ən əsası təhlükəsizlik məsələləri, ölkə sülh yolu ilə işğaldan azad edilməlidir. Əsas məqsəd və ölkənin birləşməsi budur”- baş nazir bildirib.