İrakli Ğaribaşvili Nikol Paşinyanla birlikdə İspaniya-İngiltərə futbol matçını izləyib

10:10, 09.07.2023

Gürcüstanın Baş naziri İrakli Ğaribaşvili həyat yoldaşı, oğlu və Ermənistan Respublikasının Baş naziri Nikol Paşinyanla birlikdə Batumidə keçirilən 21 yaşadək futbolçular arasında UEFA Avropa çempionatının final oyununu izləyib.

Çempionatın finalında İspaniya və İngiltərə komandaları üz-üzə gəlib.

İngiltərə millisi İspaniyanı 1:0 hesabı ilə məğlub edib.

Baş nazirlə birlikdə stadionda Gürcüstan və Ermənistanın Nazirlər Kabinetinin üzvləri olub.

Nikol Paşinyanın Gürcüstana işgüzar səfəri başa çatıb.

Gürcüstanın Baş naziri İrakli Ğaribaşvili erməni həmkarını Batumi Beynəlxalq Hava Limanından yola salıb.

Müəllif - Sevinj Mustafaeva

Siyasət