Gürcüstanın Baş naziri İrakli Ğaribaşvili Milli Demokratiya İnstitutunun (NDİ) prezidenti Derek Mitçellə görüşüb.

Görüşdə NDİ-ın Gürcüstanda demokratik təsisatların, vətəndaş cəmiyyətinin gücləndirilməsi və yaxşı idarəçiliyin dəstəklənməsində uzunmüddətli və aktiv iştirakının vacibliyinə toxunulub.

Gürcüstan hökuməti və NDİ arasında uğurlu əməkdaşlığın dinamikasının davam edəcəyinə və gələcəkdə bir sıra mühüm birgə layihələrin həyata keçiriləcəyinə dair hazırlıq ifadə olunub.

Gürcüstan və ABŞ arasında strateji tərəfdaşlığa və ABŞ tərəfindən 30 il ərzində göstərilmiş qəti dəstəyin əhəmiyyətinə diqqət yetirilib.

Tərəflər 12 prioritetin uğurla həyata keçirilməsi prosesindən danışıblar. Hökumət başçısı Gürcüstanın Avropa və Avroatlantik strukturlara inteqrasiyaya sadiqliyini bir daha təsdiqləyib. Ölkənin namizəd statusunu gözlədiyi bildirilib.

Hökumət Administrasiyasında keçirilən görüşdə hökumət administrasiyasının rəhbəri Revaz Cavelidze və NDİ-ın Gürcüstan nümayəndəliyinin direktoru Alan Qilami iştirak ediblər.

Məlumatı Gürcüstanın baş nazirinin mətbuat xidməti yayır.