Gürcüstanın baş naziri İrakli Ğaribaşvilinin sözlərinə görə, sabah Brüsseldə keçiriləcək NATO sammiti çərçivəsində avropalı liderlərlə yüksək səviyyəli görüşlər keçirəcək.

Onun sözlərinə görə, Gürcüstan NATO-ya inteqrasiya baxımından irəliləyiş əldə edib. Ğaribaşvilinin də qeyd etdiyi kimi, o, bu tərəqqinin NATO sammitində tanınacağını gözləyir.

“Sabah NATO sammiti başlayır, mənim rəhbərliyimlə hökumət nümayəndə heyəti səfər edəcək. Biz NATO Sammitində iştirak edəcəyik, mən şəxsən baş katibin dəvətini almışam. Biz ölkəmizin bu illər ərzində əldə etdiyi bütün irəliləyişlərin qiymətləndiriləcəyini və belə desək, tanınacağını gözləyirik. Avropalı liderlərlərlə yüksək səviyyəli görüşlərim olacaq. Hesab edirəm ki, ölkə NATO ilə inteqrasiya baxımından da böyük irəliləyiş əldə edib. Krtsanisidə NATO ilə birgə təlim mərkəzi açmışıq. Fikrimcə, ölkə qoşunlarımızın uyğunluğunu daha da artırmaq üçün hər şeyi edib. Biz ordunu gücləndiririk, orduda fəal islahatlar aparılır, transformasiya və islahatlar prosesi gedir. Bütün bu dinamika, necə deyərlər, ölkə sülh istiqamətində olarsa, qorunub saxlanılacaq” – deyə baş nazir bildirib.