Gürcüstanın baş naziri İrakli Ğaribaşvili İsrail dövlətinin baş naziri Naftali Bennettlə görüşünə özünün “Twitter” sosial şəbəkəsində münasibət bildirir.

Hökumət başçısı qeyd edib ki, görüş zamanı tərəflər mövcud potensialın tam reallaşdırılması məqsədilə əməkdaşlığı daha da inkişaf etdirmək barədə razılığa gəliblər.

” İsrailə rəsmi səfərim başlayıb. Mən bu gün İsrail dövlətinin baş naziri Naftali Bennettlə görüşmək şərəfinə nail oldum. Qardaş xalqlarımızın ortaq tarixində iki ölkə arasındakı 26 əsrlik dostluq qürurvericidir. İstifadə edilməmiş potensialın tam reallaşdırılması məqsədilə artan əməkdaşlığı daha da inkişaf etdirmək barədə razılığa gəldik”- deyə İrakli Ğaribaşvili qeyd edir.