Gürcüstanın baş naziri İrakli Ğaribaşvilinin sözlərinə görə, ölkədə həllini gözləyən çoxlu məsələlər var, ona görə də o, məhbus haqqında danışmaq fikrində deyil.

Strasburq məhkəməsinin qərarı ilə bağlı jurnalistlərə bəyanat verən baş nazir jurnalistlərə deyib ki, o, daha Mixeil Saakaşvili haqqında danışmayacaq və ədliyyə naziri məsələyə münasibət bildirəcək.

“Təbii ki, biz Strasburq məhkəməsinin qərarı ilə tanış olduq. Cənab ədliyyə naziri bu mövzu ilə bağlı geniş izahat verəcək. Ümumiyyətlə, bu mövzuda geniş şərh vermək istəmirəm. Bu mənim səlahiyyətim deyil. Sizə bildirdim ki, məhbus və məhbuslar haqqında danışıb qurtarmışam. Ölkədə çoxlu məsələlər, çoxlu problemlər var və mən yalnız bu mövzuda diqqətimi cəmləyir və danışıram”, – deyə Ğaribaşvili bildirib.