Gürcüstanın Baş naziri İrakli Ğaribaşvili Macarıstanın müdafiə naziri Kriştof Salai-Bobrovnitski ilə görüşüb.

Gürcüstanın Baş nazirinin mətbuat xidmətinin məlumatında tərəflərin Gürcüstan və Macarıstan arasında strateji tərəfdaşlıq məsələlərini və gələcək münasibətlərin perspektivlərini müzakirə etdikləri deyilir. Verilmiş məlumatda müdafiə sahəsində əməkdaşlığa xüsusi diqqət yetirildiyi deyilir. Görüşdə Gürcüstanın Avropa və Avro-Atlantik inteqrasiyasına toxunulub.

Macarıstanın Gürcüstanın suverenliyi və ərazi bütövlüyünə, eləcə də Avropa və Avro-Atlantik inteqrasiyasına güclü dəstəyi qeyd edilib.

Hökumət Administrasiyasında keçirilən görüşdə Gürcüstanın müdafiə naziri Cuanşer Burchuladze və Macarıstanın Gürcüstandakı fövqəladə və səlahiyyətli səfiri Anna Mariya Şiko iştirak ediblər” – deyə hökumətin mətbuat xidmətinin məlumatında qeyd edilib.