Gürcüstanın baş naziri Macarıstana rəsmi səfəri çərçivəsində Macarıstan Parlamentinin Milli Assambleyasının sədri Laslo Kover ilə görüşüb.

Gürcüstanın baş nazirinin mətbuat xidməti tərəfindən verilən məlumatda, ölkələr arasında dostluq münasibətlərinin, tərəfdaşlıq əməkdaşlığının, o cümlədən parlamentlərarası əlaqələrin dərinləşdirilməsi perspektivlərinə toxunulduğu deyilir.

Avropa Şurasının Gürcüstana Avropa perspektivi verməsinə dair qərar qəbul etməsi fonunda Macarıstanın Gürcüstanın Avropa və Avro-Atlantik inteqrasiya prosesi ilə bağlı aydın mövqeyi xüsusilə vurğulanıb.

İrakli Ğaribaşvili Laslo Koverə Gürcüstanın ərazi bütövlüyü və suverenliyinə, eləcə də ölkənin Avropa və Avro-Atlantik istəklərinə verdiyi güclü dəstəyə görə təşəkkür edib.

Görüşdə Gürcüstanın işğal olunmuş ərazilərindəki vəziyyət və regiondakı mövcud mühit müzakirə olunub. Rusiyanın Ukraynaya hərbi təcavüzü və orada yaranmış vəziyyətə toxunulub.