“Gürcü Arzusu”nun idarəçiliyi dövründə mən bu ali vəzifədə iki dəfə işləməli oldum, ümumilikdə ən uzun müddətə, beş il baş nazir oldum. Komandamızın gücünü göstərən amillərdən biri daxili demokratiyadır, rotasiya prinsipi bunun bariz təzahürüdür – bu haqda İrakli Ğaribaşvili istefa barədə bəyanat verərkən açıqlayıb.

Ğaribaşvili bildirib ki, “komandada çoxlu uğurlu lider var və başqalarına da imkan vermək lazımdır”.

“Üstəlik indi qarşımızda yeni vəzifələr dayanır, biz payızda yeni parlamenti seçəcəyik və “Gürcü Arzusu” başqa daha böyük məqsədlərə nail olmaq üçün irəliləməyə davam etmək istiqamətində seçkilərdə inandırıcı şəkildə qalib gəlməyə hazırlaşmalıdır” – Ğaribaşvili açıqlayıb.