Ukraynada başlayan bu dəhşətli müharibədən sonra cəmiyyət hökumətlə birlik oldu, 1000 tondan çox humanitar yük göndərdik, digər əlavə humanitar yardımlara gəlincə, bunu bir daha müzakirə edəcəyik və təbii ki, bu yardımı davam etdirəcəyik – bu barədə Gürcüstanın Baş naziri İrakli Ğaribaşvili jurnalistlərə açıqlayıb.

O bildirib ki: “Ukrayna Poçtu”nun göstəricilərinə əsasən biz Ukraynaya ən çox humanitar yardım göndərən 190 ölkə arasında birinci yerdə idik”.

“Bildiyiniz kimi, Ukraynada başlayan bu dəhşətli müharibədən sonra xalq, millət birləşdik, cəmiyyət hökumətlə birlik oldu və 1000 tondan çox humanitar yük göndərdik. “Ukrayna Poçtu”nun göstəricilərinə əsasən biz Ukraynaya ən çox humanitar yardım göndərən 190 ölkə arasında birinci yerdə idik.

Bundan əvvəl Gürcüstandakı ukraynalı məcburi köçkünlərə də kömək etdiyimizi, onlara maksimum dəstək göstərdiyimizi və bu yardımı indi də davam etdirdiyimizi bilirsiniz. Məsələn, Ukrayna dilində təhsil kimi. Açdığımız Ukrayna dilli məktəblərdə ukraynalı uşaqlar təhsil alırlar. Digər əlavə yardımlara, humanitar yardıma gəlincə, biz bunu bir daha müzakirə edəcəyik, kömək etmək üçün bir yol tapacağıq və təbii ki, bu yardımı davam etdirəcəyik” – deyə İrakli Ğaribaşvili açıqlayıb.