İlia Darçiaşvilinin mükəmməl təhsili, təcrübəsi var və inanıram ki, o, uğurlu xarici işlər naziri olacaq, – bu barədə Gürcüstanın baş naziri İrakli Ğaribaşvili Hökumət Administrasiyasında keçirilən brifinqdə bildirib.

Baş nazirin sözlərinə görə, İlia Darçiaşvili illər əvvəl regional inkişaf və infrastruktur nazirinin birinci müavini işləyib, bundan əvvəl Munisipal İnkişafı Fondunun rəhbəri olub, son illərdə isə Gürcüstanın Polşadakı səfiri olub.

“Hökumət Administrasiyasının keçmiş rəhbəri cənab İlia Darçiaşvilini xarici işlər naziri vəzifəsinə təqdim etmək istərdim. İlia özəl sektorda, dövlət sektorunda çoxillik təcrübəyə malikdir, mükəmməl təhsili, təcrübəsi var və inanıram ki, İlia uğurlu xarici işlər naziri olacaq. İllər əvvəl o, Regional İnkişaf və İnfrastruktur Nazirliyində nazirin birinci müavini, bundan əvvəl Munisipal İnkişafı Fondunun rəhbəri olub, ondan əvvəl Polşa səfirliyində işləyib və son illərdə , dörd il ərzində Gürcüstanın Polşadakı səfiri olub. İlianın uğurlu xarici işlər naziri olacağına inanıram və ona uğurlar arzulayıram. Bu gün çoxlu sınaqlarla üz-üzəyik. Bu vəziyyətdə, təbii ki, aktiv olmağa ehtiyac var. Əsas milli hədəfimizə çatmaq üçün bu yolda böyük səylərlə çalışılmalı və bütün strateji hədəflərimiz yerinə yetirilməlidir” – deyə baş nazir bildirib.

Davit Zalkaliani Gürcüstanın xarici işlər naziri vəzifəsindən istefa verib. Zalkaliani Gürcüstanın ABŞ-dakı səfiri kimi fəaliyyətini davam etdirəcək. İlia Darçiaşvili xarici işlər naziri təyin edilib.