Bu gün Ümumdünya İnsan Hüquqları Bəyannaməsinin qəbul edilməsinin 75-ci ildönümünü qeyd edən hökumətimizin məqsədi dövlət hakimiyyətinin hər bir qolunu, dövlət orqanlarını, ictimai qurumları və maraqlı tərəfləri cəlb etməklə insan hüquq və azadlıqlarının səmərəli müdafiəsini təmin edən mexanizmlər yaratmaq və davamlı inkişaf etdirməkdir, – Gürcüstanın baş naziri İrakli Ğaribaşvilinin bəyanatında deyilir.

“Dövlət hamılıqla tanınmış insan hüquq və azadlıqlarını qorumaqla institusional demokratiyanı gücləndirir, mülki, siyasi, sosial, mədəni və iqtisadi hüquqlardan bərabər istifadəni təmin edir, bərabərlik siyasətini gücləndirir və işğaldan zərər çəkmiş vətəndaşlara daim qayğı göstərir.

İnsan hüquqlarının vəziyyətinin yaxşılaşdırılması məqsədilə ötən il sentyabrın 5-də hökumət, 2023-cü il martın 23-də isə parlament insan hüquqlarının müdafiəsi üzrə milli strategiyanı təsdiq edib. Ölkədə əsas insan hüquq və azadlıqlarının milli sisteminin və institusional demokratiyanın möhkəmləndirilməsi üçün vahid çərçivə yaradır; dövlətin cəmiyyət və beynəlxalq ictimaiyyət qarşısında götürdüyü öhdəliklərin yerinə yetirilməsinə xidmət edir; Hamı tərəfindən tanınmış insan hüquq və azadlıqlarının sarsılmaz müdafiəsini təmin edir.

Hazırda strategiyada nəzərdə tutulmuş məqsədlərin həyata keçirilməsi üçün İnsan Hüquqlarının Müdafiəsi üzrə Milli Fəaliyyət Planı (2024-2026-cı illər) üzərində fəal iş aparılır. Bu məqsədlə dövlət qurumlarının və mülki sektorunun iştirakı ilə fəal şəkildə görüşlər keçirilir.

Qeyd edək ki, İnsan Hüquqlarının Müdafiəsi üzrə Milli Fəaliyyət Planının layihəsi dövlət administrasiyasının koordinasiyası ilə və dövlət qurumları tərəfindən mülki sektorun tövsiyələri əsasında hazırlanıb. Fəaliyyət planının icrası mərhələsində də mülki sektorla əməkdaşlıq davam etdiriləcək.

Hökumətimiz insan hüquq və əsas azadlıqlarının qorunmasına sadiqliyini daim təsdiqləyir ki, bu da sistemli, ardıcıl və uzunmüddətli siyasətin işlənib hazırlanmasını və idarə olunmasını nəzərdə tutur.

İnsan haqlarının qorunması və demokratiyanın gücləndirilməsi istiqamətində görülən işlər bizi Avropa ailəsinə daha da yaxınlaşdırır.

Xalqın və hökumətin birgə səyləri ilə Avropa İttifaqı ilə Gürcüstan arasında tərəfdaşlıq davamlı olaraq möhkəmlənir. Bugün bizim artıq konkret nəzərəçarpacaq nəticələrimiz var, məsələn, assosiasiya sazişi, vizasız səyahət rejimi, keçən il qəbul edilmiş Avropa perspektivi, ən son isə namizəd statusu ilə bağlı Avropa Komissiyasının ləyaqətli, əsaslı və müdrik qərarı.

Bu yol bizi son məqsədimizə – Gürcüstanın Avropa İttifaqına tam inteqrasiyasına yaxınlaşdırır”, – deyə İrakli Ğaribaşvili öz bəyanatında bildirib.